101

101 – 可以係斑點狗，台北亦都有101，求婚都可以求101次。走入唱片店，所有精選唱片務求做到抵食夾大件，都會湊夠101隻，甚麼情歌101，鋼琴101，只要你數得出也有。101，彷彿唔單單只係代表入門初階 “one o one”，佢已經進化成一個標誌，一個代表marketing team懶到唔想再諗任何新o既 idea反正用“101”就永冇錯o既普遍現象。

我一向冇睇書ｏ既習慣，just not that into books，當然facebook除外。不過，最近突然想開始培養睇書o既習慣，當消磨時間又好，自我增值都好。走入書店，大部份best selling o既書都係 easy to read o既，而我揀o個本都唔例外，書名諷刺地叫做廣告101。

書已經買o左近兩個星期，只係睇o左53頁。

神之水滴

多得姊妹N同傳銷女王推介，終於o係上星期跟生命中第二個 Patrick Hui 見面 (另一個係我老豆)。佢除o左個樣同一輪天地之母o既解說有點滑稽之外，基本上佢講o既野同分析都有紋有路。佢話我o黎呢個世界o既使命係同別人溝通，話我尤其對住熟o既朋友會特別鍾意分享自己o既見解。佢亦講得出我做人o既理念: 只要堅持同努力就有90%機會成功。

照計應該冇人比自己更清楚自己，不過原來有陣時我地真係需要人地去話俾我地聽自己o既優點同缺點係咩，將好o既保存再發揚光大，更重要o既係將唔好o既特質改善過o黎，撥亂反正。從我所揀o既油反映出原來我做人o既問題就係有時太自我，唔太理會人地o既感受，或者咁講，係永遠顧o左自己感受先諗人地。我唔否認呢個係我o既問題，而呢個缺點亦衍生出另一個問題，就係我會expect人地諗野同我一樣，即係個腦成日出現呢句說話: “有咩理由我咁諗你會唔明?” 原來唔明就係唔明，冇得解。09年要學識站o係別人o既立場多一D。

我揀o既另一支油代表成功，搽o左之後會唔會成功當然話唔埋，就當係買支massage oil都應該冇咩蝕底。之不過天寒地凍仲要早晚乸起件衫o黎搽油都咪話唔辛苦。

順帶一提，星座同性格固然息息相關，據 Patrick所講，原來金牛座o既人都特別容易同人溝通，唔通因為人都鍾意 “金牛”? 不其然令我聯想起鄺美雲曾經被人問點解佢隻狗叫做cash時佢話 “咁人人都鍾意cash o麻” 同埋佢o係08金融海嘯下o既金句 “cash is king!”

2008 有發生過

正如不同o既電台電視台有自己o既十大金曲，朋友們也有各自o既大事回顧。既然大家都搶閘總括自己08年所發生o既大事，我冇理由唔join。我不嬲o既作風係TVB，皆大歡喜，驚喜不多但係又要有gimmick，今年決定玩另類。蜀中無大將，湊唔夠十首金曲，稱得上為 “大事”o既，今年只有兩件:

1. 由拍住拖去旅行到分手到復原到再拍拖，都只係一個多月時間，倪震周慧敏o既C1頭條我十個月前已經飲左呢啖頭啖湯。

呢個世界好多事係整定，更多o野係你預計唔到。但係今年我學到o既一樣o野就係: 我地大家擁有o既時間實在唔係想像咁多，而D時間有時係我地自己有意無意，不知不覺咁o羅o黎o徙。個天可以令一件事由有變冇，但由冇變有，好多時都係要靠自己。

好友們08年o既感情問題仍多的是，做多左做少左自己通常唔察覺，優質股可以揸住唔放，但係D死股長揸都只會係廢紙。自己今年做o左呢世人最醒o既一次投資，打算長揸唔放，係我好彩都好，我今年o係感情上o既付出同收獲的確比以前多，期望能開開心心拍個拖之餘亦開始學識點樣成熟D去處理一段關係。

未試過同自己性格咁相近o既人一齊，亦正因為咁，更容易了解對方諗緊咩。火星地球相處o係同一個關係入面需要時間心機去磨合，但係雙方目標一致o既感覺始終係甜蜜既。都係o個句: 當你想個結局係點你自然知中間條路點行，不過當中所花既時間心血同代價值唔值得，因人而異，請好好衡量。

2. Studio 83 o既誕生絕對係有計劃地o既意外懷孕，由冇變有o既另一例子。意外在於過去個三十年從未打算過有自己生意o既我忽然間o係08年決定創立自己o既事業，計劃之內o既係從來冇打算做PR做成世。我為三十歲前所得到o既事業成績而驕傲，但更值得驕傲o既應該係我有勇氣全身而退。08年o既上一半我係處於極度徬徨階段，完全失去方向，屋企人擔心，連自己都懷疑自己。幸得到身邊人支持，明白到要坐言起行，諗得到就做得到o既道理。o個一股衝勁加勇氣o既小宇宙幫我寫下人生新o既一頁。

開業至今已超過三個月，一切尚算穩定。當然，唔做過生意唔會明白生意難做，事事要親力親為已經唔算係咩成功之道，只不過係生存o既基本條件。呢兩年算係試金石，一切決定同方向仲係言之尚早，既然路一直都在，就繼續行吧!

造人成功

阿紅：「唉，我都叫o左你當初睇定Ｄ先啦，幾時都係騎牛搵馬好Ｄ嘛！」

阿Sa：「我而家咪知道錯囉。」

阿紅：「早知你o個陣時就應該搵到件好先飛個衰佬！」

阿Sa：「有早知我而家就唔駛攪成咁啦！」

阿紅：「咁你呢十個月o黎真係冇景咩？一個男仔都冇出現過？」

阿Sa：「咁散拖都有些少o既。」

阿紅：「佢地唔好咩？唔考慮吓？」

阿Sa：「都唔o岩 feel。」

阿紅：「好心你咪咁揀擇啦。」

阿Sa：「唉，人揀我，我揀人o者。」

阿紅：「希望你早Ｄ搵到個o岩架啦。」

阿Sa：「話時話，其實最近都有兩個幾好o架。」

阿紅：「真既！？咁就好喇，快Ｄ打鐡趁熱啦！」

阿Sa：「知o架喇，不過……」

阿紅：「不過？仲有Ｄ咩呀？」

阿Sa：「有呀，真係有Ｄo野……」

阿紅：「有Ｄ咩先得o架？關唔關o個兩個男仔事先？」

阿Sa：「唔關。」

阿紅：「咁你即係有Ｄ咩呀？」

阿Sa：「我……我其實有o左。」

阿紅：「吓！？？？」

以上故事由真人真事改編而成，而故事主人翁正是本人。不過，整件事同拍拖生仔無關。謎底是甚麼?很快揭盅。

人窮褲短

所有到過香港夜店的人也會同意，它們都是 Pretentious 的，Volar，Kee Club，Pi 全都是一樣。門口的所謂 Door List 均是形同虛設，那些 Bouncer 眼內的 Scanner 才是進入的 Security Code。種族可免受歧視，但樣衰的可不能幸免，衣衫不整的也一樣，短褲施鞋一律也是 Big No-No。不過，凡事總有例外，以下便是本人今晚於 MINT 內所拍的照片。

I LOVE U

儲o左幾個月，終於o係今日俾我見到 I LOVE U 呢個車牌，咁就等我一次過公開過去o個幾個月我記底o既車牌啦！

DD MM YY (我至鍾意呢個)
SHUTTLE
LAM 814
SISI
HAPPY
RYAN
YANKEE
DG GROUP
MY YAYA
BIRDIE
HEMAN
MANI
ELDON
DINOSAUR
XYZ
COOL
DEER
CHUEN
COOKIE 29
ONE2FREE
SNOOPY99
CHIEF
M2M
MVP
LILIAN
EEG (楊生?)
ABC YIU
HON 888
ALTC
SHALLOW
DEAR MOM (呢個我都鍾意)
BUND 18
FUNG SHUI (麥玲玲o既)
SUCCESS
SHOW ROOM

下雨天之怪談

近日天氣欠佳，不停下雨，單是六月的降雨量已打破有史以來的記錄。我個人並不喜歡下雨天，心情或多或少也受點影響。不過，苦中作樂也是本人強項之一，固此，偶爾看看街上的行人百態，便會發現很多有趣的景象。

例子１：可能我思想比較傳統，如果是一對男女，我總覺得拿雨傘應是男方的責任。如果是兩男或者兩女，便應該由高的那位去拿。但最近行街看見一對男女，應是情侶或夫妻關係吧，不過，舉起雨傘的是女方，最奇怪是，拿手袋的卻是男方！

例子２：剛下了一場大雨的銅鑼灣街道上，路還是濕濕的，我看見一個母親帶著一對兒女，母親從兒子的背囊中拿出水壺，只見母親把水壺蓋打開，然後若無其事地把壼內的水倒到地上。相信當時如果是好天的話，事件應該不會發生，她看來以為街反正也濕了，便乾脆把喝剩的水也倒掉算，非常奇怪的邏輯。

例子３：要數怪，本人的爸爸也是怪人一名。很多人不喜歡拿雨遮，我爸爸亦然，有次他要出門口時正下著雨，他於是走到樓下的停車場內暫避，怎料雨愈下愈大，他就是這樣困在停車場裡４５分鐘也不回家取傘子，處女座的人固執起來就是那樣可怕。

例子４：一個中年男人於中環地鐡站內入閘後打開遮不特止，還要不停轉呀轉又轉，務求把遮轉乾為止。當時正值繁忙時間，但此人的行為成功令方圓十尺以內的人極速四散。

例子５：師奶愛鬥大，曾經遇見一位師奶拿著大雨遮，走走走，終於走到一個商場，可惜她忘了把傘子收起來，以至出現人已步進商場內，傘子還卡住在商場玻璃門上的尷尬狀況。